"Wi Kɔtintri"
woyo woyo kɔtintri
na so yu lɛf wi?
Jɛs lɛk dat? – Vyap!
Tyusde nɛt, yu tinap
Wɛnsde nɛt yu fɔdɔm, bap!
ebo
aw yu du wi so?
yu, wi gret gret gret gret grani
Inyon gret grani in mami
nɔba, a nɔ biliv se dat bi
na fek nyuz dɛn de gi wi
a de go luk fɔ misɛf
nɔ tɔk da wɔd de egen. lɛf!
Kɔtintri, kɔtintri, kɔtintri
a nɔ biliv se yu dɔn lɛf wi
a nɔ biliv mi yay
yɛstade yu bin tinap ay ay
na yu ledɔm na grɔn so?
ebo!
woyo woyo woyo
bɔt wet o
tap fɔ kray bo
dis wi kɔtintri ya
bay Gɔd in pawa
i go gro bak ma!
wi granpikin pikin pikin dɛn granpikin
mɔs no wetin Kɔtintri bin min
(c) Dafni Balat Prat
![](https://historicfreetown.com/wp-content/uploads/2023/05/349186425_1179354146797638_281239258467275290_n_clipped_rev_3.png)